Shyǵys Qazaqstanda pnevmonııaǵa shaldyqqandar sany kúrt artty
ÓSKEMEN. KAZINFORM – Shyǵys Qazaqstan oblysynda sońǵy 1 jarym aıda pnevmonııaǵa shaldyqqandar sany kúrt artyp otyr.
ShQO densaýlyq saqtaý basqarmasy baspasóz qyzmetiniń málimetine súıensek, jyl basynan beri oblysta pnevmonııamen aýyrǵan 600-den astam naýqas tirkeldi.
- 2024 jyldyń 1 jeltoqsanynan osy ýaqytqa deıin pnevmonııaǵa 1963 adam shaldyqqan. Ótken jyldyń jáne onyń aldyńǵy jyldyń sáıkes kezeńinde oblystyń tek 886 turǵynynan pnevmonııa anyqtalǵan bolatyn, - delingen aqparatta.
Vedomstvo dereginshe, naýqastar sanynyń artýy dıagnostıkanyń jaqsarýymen baılanysty bolyp otyr. Patsıentterdiń kóbine aýrýdyń bakterııalyq túrine qatysty dıagnoz qoıylǵan.
Eske salsaq, osyǵan deıin ShQO-da bir jylda 100-den astam adam týberkýlezge shaldyqqany habarlanǵan.