Shyǵys Qazaqstanda ózenderde jarý jumystary bastaldy

ASTANA. KAZINFORM — Júrgizilgen jumystar ózenniń sý ótkizý qabiletin arttyrýǵa jáne muz keptelisteriniń paıda bolýyn boldyrmaýǵa múmkindik beredi, dep habarlaıdy TJM baspasóz qyzmeti.

— Búgin Shyǵys Qazaqstan oblysynda Shemonaıha aýdanynda, Ýst-Talovka aýyly mańynda, Ýba ózenindegi temirjol kópiri aýdanynda 8208 sharshy metr aýmaqta sý tasqynyna qarsy is-sharalar aıasynda jarý jumystary júrgizildi. Atalǵan aýmaqta jarý júrgizilgen jerlerde ózendegi muzdyń qalyńdyǵy shamamen 50 santımetrdi quraıdy, — delingen habarlamada.

Osyǵan deıin Shyǵys Qazaqstan oblysynda qar kóshkini qaýpi joǵary ýchaskelerge aerovızýaldy monıtorıng júrgizilgenin jazǵan bolatynbyz.