Shyǵys Qazaqstanda ózen arnasynan asyp, úılerge sý kirdi
Shyǵys Qazaqstan oblysy Katonqaraǵaı aýdanynda Órel ózeni arnasynan asyp, úılerge sý kirdi, dep habarlaıdy Kazinform.
ShQO ákimdiginiń málimetinshe, Katonqaraǵaı aýdanyndaǵy Órel ózeni arnasynan asyp, sý 3 úıge kirip, 9 úıdiń aýlasyna jaıyldy.
Belgili bolǵandaı, kúniń kúrt sýytýyna baılanysty ózen arnasyna muz qatyp, sonyń saldarynan sýdyń deńgeıi kóterilgen. Oqıǵa ornyna dereý jetken aýdan ákimi Dildar Qaltqan tótenshe jaǵdaı saldaryn joıý jumystary júrgizilip jatqanyn jetkizdi. Ol jerde jergilikti atqarýshy organnyń jáne Tótenshe jaǵdaılar basqarmasynyń ókilderi jumys istep jatyr.
- Arnaıy tehnıkalar da jumyldyryldy. Motopompalarmen sý sorylyp, syrtqa shyǵaryldy. Qum salynǵan qaptardan bógetter qoıyldy. Ózen arnasyn qar-muzdan tazartý jumysy jalǵasady. Aýyl turǵyndarynyń qaýipsizdigi úshin barlyq jumys atqarylýda, - dedi D.Qalıqan.
Posmotret etý pýblıkatsııý v Instagram
