Shyǵys Qazaqstanda ormanda ashyqqan janýarlardy qorektendirip jatyr
ÓSKEMEN. KAZINFORM – Shyǵys Qazaqstan oblysyndaǵy Óskemen orman sharýashylyǵynyń qyzmetkerleri janýarlardyń kóktemnen aman shyǵýyna jaǵdaı jasap otyr.
Ormanda qar áli qalyń jatyr. Sol úshin janýarlarǵa óz betinshe qorektený qıyn. Osyǵan oraı elik, bulan jáne basqa da tuıaqtylar jıi meken etetin jerlerge ormanshylar jem salatyn oryndardy daıyndaıdy. Sol oryndardy turaqty túrde shóppen, astyqpen toltyryp otyrady.
— Jazda jem daıyndap, jan-janýarlar kóp jınalatyn jerlerge qoıamyz. Árbir orman sharýashylyǵynda osyndaı 8-12 oryn bar, — deıdi orman sharýashylyǵynyń qyzmetkeri Murat Raısov.
Janýarlardy azyqtandyrýǵa sharýashylyq qyzmetkerleri únemi shyǵyp, shóp, jem men tuzdy jetkizip otyrady. Sońǵy jyldary oblysta elik pen bulan sany turaqtanyp qaldy. Oǵan osyndaı sharalar oń áserin tıgizip otyr.
Aıta keteıik, orman sharýashylyǵy qyzmetkerleri kóktemniń ortasyna deıin janýarlardy qorektendirýdi jalǵastyrady.
Eske salsaq, buǵan deıin Qazaqstanda sırek kezdesetin janýarlardyń biryńǵaı derekter bazasy qurylǵany habarlanǵan.