Shyǵys Qazaqstanda oqýshylardy birinshi synypqa qabyldaý merzimi ózgerdi
ÓSKEMEN. KAZONFORM – Shyǵys Qazaqstan oblysynda bıyl birinshi synypqa qabyldaý 10 maýsymda bastalyp, 31 tamyzǵa deıin jalǵasady.
Bul jańashyldyq týraly ŞQO bilim basqarmasynyń basshysy Qýat Oqasov málim etti. Onyń aıtýynsha, qujat tapsyrý tártibi negizinen ózgerissiz qalady, alaıda qabyldaý naýqanynyń merzimderi qaıta qaralǵan.
Mundaǵy negizgi maqsat – ótinimderdiń basym bóligi qabyldanatyn eGov.kz portalyna túsetin júktemeni azaıtý. Sonymen qatar keıbir ata-analar úshin rásim jeńildetiledi. Mektepaldy daıarlyq synyptarynda oqyp júrgen jáne sol mektepte bilimin jalǵastyratyn balalar birinshi synypqa avtomatty túrde qabyldanady. Tek balany basqa mektepke aýystyrý qajet bolǵan jaǵdaıda ǵana portal arqyly ótinish berý talap etiledi.
– Qabyldaýdyń jańa formatyna kóshý birneshe jyl boıy talqylandy. Bıyl biz bul júıeni engizip otyrmyz. Bul protsesti yńǵaıly etip, júıege túsetin júktemeni birkelki bólýge múmkindik beredi, - dedi Qýat Oqasov.
Bilim basqarmasynyń habarlaýynsha, qabyldaýdy kezeń-kezeńimen uıymdastyrý naýqannyń alǵashqy kúnderindegi dástúrli qarbalastyń aldyn alyp, ata-analar úshin qujat tapsyrýdy barynsha qolaıly etedi.
Eske salsaq, osyǵan deıin Atyraýda jekemenshik mektepterdi qarjylandyrý máselesi kóterilgeni habarlanǵan.
