Shyǵys Qazaqstanda náreste ólimi kóbeıdi

Oblystaǵy medıtsına salasynyń kórsetkishterin ShQO Ekonomıka jáne bıýdjettik josparlaý basqarmasynan málim etti.

- Óńirde byltyr týberkýlezben syrqattanýshylyq kórsetkishteri 7,1%-ǵa, qan aınalymy júıesiniń aýrýlary 3,8%-ǵa, qant dıabeti 9,6%-ǵa tómendedi. Al qaterli isikterden bolatyn ólim-jitim kórsetkishteri 2,2%-ke artyp otyr. Eń kóp ósim Marqakól (23,8%) jáne Ulan aýdandarynda baıqalyp otyr, - delingen aqparatta.

Budan bólek, náreste ólimi 38%-ǵa kóbeıgen. Kúrshim aýdanynda (53%) eń kóp ósim tirkeldi.

Qaterli isiktermen syrqattanýshylyq 1,1%-ke óskeni baıqalady. Jyl kóleminde ana ólimi jaǵdaılary tirkelgen joq.

Eske salsaq, osyǵan deıin Almatyda jańa týǵan nárestelerge arnalǵan neonatologııa bólimshesi ashylǵany habarlanǵan.