Shyǵys Qazaqstanda merekege oraı 12 myńǵa jýyq áıel tólemaqy alady

ÓSKEMEN. KAZINFORM – Shyǵys Qazaqstan oblysyndaǵy 8 naýryz – Halyqaralyq áıelder kúnine oraı 12 myńǵa jýyq áıel tólemaqy alady. 

Oblystyq Jumyspen qamtý jáne áleýmettik baǵdarlamalardy úılestirý basqarmasynyń málimetine súıensek, óńirdegi birneshe sanattaǵy názik jandarǵa tólemaqy berilmek.

«Halyqaralyq áıelder kúnine oraı «Altyn alqa», «Kúmis alqamen» marapattalǵan nemese buryn «Batyr ana» ataǵyn alǵan kópbalaly analar, I jáne II dárejeli «Ana dańqy» ordeniniń ıegerleri, birge turatyn 4 jáne odan da kóp kámeletke tolmaǵan balalary bar analarǵa 15 000 teńge mólsherinde bir rettik tólem jasalady», - delingen aqparatta.

Búginde Shyǵys Qazaqstandaǵy atalǵan sanattarda 11 887 áıel bar.