Shyǵys Qazaqstanda laı kóshkin júrip, jol jabyldy

ÓSKEMEN. KAZINFORM – Shyǵys Qazaqstanda oblysynda jolǵa laı kóshkin tústi. ShQO ákimi baspasóz qyzmetiniń málimetine súıensek, Marqakólde jolǵa laı kóshkini tústi.

«Búgin tańerteń oblystyq mańyzy bar «Terekti-Uranhaı-Tósqaıyń» jolynyń 13 shaqyrymynda, naqty aıtqanda «Mramornoe» asýy mańynda laı kóshkin júrgen. Bolǵan jaǵdaı týraly «OblShyǵysJol» qyzmetkerleri jedel jetkizdi. Qazirgi ýaqytta turǵyndardyń qaýipsizdigi maqsatynda jol qozǵalysy jabyldy», - delingen aqparatta.

Oqıǵa ornynda jergilikti atqarýshy organdar jáne tótenshe jaǵdaılar departamentiniń qyzmetkerleri jumys isteýde. Jol qozǵalysyn qaıta qalpyna keltirý jumystary boıynsha aýyr tehnıka jumyldyryldy. Polıtsııa qyzmetkerleri kezekshilik uıymdastyrdy.

 

Aıta keteıik, laı kóshkini jańbyr mol jaýyp, qardyń erýi saldarynan bolǵan.