Shyǵys Qazaqstanda qos azamattyqpen júrgen 7 adam anyqtaldy
ÓSKEMEN. KAZINFORM – Shyǵys Qazaqstan oblysynda jyl basynan beri qos azamattyqpen júrgen 7 adam jaýapqa tartyldy.
ShQO Polıtsııa departamenti baspasóz qyzmetiniń málimetine súıensek, tártip saqshylary qos azamattyǵy bar anasy men qyzyn anyqtaǵan.
- Belgili bolǵandaı, olar ótken jyldyń jeltoqsan aıynyń basynda shet memlekettiń azamattyǵyn alǵan. Alaıda bul týraly belgilengen merzimde Qazaqstan Respýblıkasynyń kóshi-qon qyzmetine habarlamaǵan. Eki aı ótkennen keıin, anasy men qyzy zeınetaqy jınaqtaryn alý úshin HQKO-ǵa óz betimen júgingen kezde olardyń qos azamattyǵy anyqtaldy, - delingen aqparatta.
Sot qaýlysymen ekeýi QR azamattyq týraly zańnamany buzdy dep tanyldy. Anasyna 200 AEK mólsherinde aıyppul salynsa, qyzy elden shyǵaryldy.
Polıtsııa qyzmetkerleriniń aıtýynsha, 2025 jyldyń qańtar aıynyń ózinde oblys boıynsha qos azamattyǵy bar 7 adam anyqtalǵan.
Eske salsaq, osyǵan deıin ShQO-da alaıaqtar ákimderdiń atyn jamylyp halyqtan aqsha surap jatqany habarlanǵan.