Shyǵys Qazaqstanda qos azamattyqpen júrgen 16 adam anyqtaldy

ÓSKEMEN. KAZINFORM — Shyǵys Qazaqstan oblysynda qos azamattyqpen júrgen 2 adam elden shyǵaryldy.

қос азаматтық
Фото:  pasporta.org

Óńirdiń polıtsııa qyzmetkerleri eki eldiń tólqujatymen júrgenderdi jaýapqa tartyp jatyr. Jyl basynan beri basqa memlekettiń azamattyǵyn alǵany týraly ishki ister organdaryna habarlamaǵan 16 adam anyqtalyp, olardyń ekeýi elden shyǵaryldy.

— Máselen, turǵyndardyń biri 2021 jyly kórshi eldiń azamattyǵyn alǵanymen, bul týraly Qazaqstannyń kóshi-qon qyzmetine belgilengen merzimde habarlamaǵan. Onyń aıtýynsha, qujattardy tapsyrý qajettigin bilmegen jáne otbasylyq jaǵdaılar Qazaqstanǵa ýaqtyly oralýyna múmkindik bermegen. Sot ony elden shyǵarý týraly sheshim shyǵardy, — dep habarlady ShQO Polıtsııa departamentinen.

Aıta keteıik, 2025 jyldyń naýryz aıynan bastap Qazaqstanda azamattyǵynan aıyrylǵan tulǵalardyń QR qujattaryn paıdalanýyna qatysty zańnamaǵa ózgerister engizilip, jaýapkershilik kúsheıtildi. Endi atalǵan quqyqbuzýshylyq úshin aıyppul mólsheri 100 AEK-ten 200-ge deıin artty.

— Basqa eldiń azamattyǵyn alǵan adamdar 30 kún ishinde kóshi-qon qyzmetine habarlap, burynǵy azamattyǵyn rastaıtyn qujattardy tapsyrýǵa mindetti ekenin eskertemiz. Bul talapty buzǵany úshin ákimshilik jaýapkershilik qarastyrylǵan, — delingen aqparatta.

Eske salsaq, Óskemende ózin ákimdik qyzmetkeri retinde tanystyryp, halyqty aldaǵan alaıaq sottalǵany jaıly jazǵanbyz. 

Сейчас читают