Shyǵys Qazaqstanda kókjótelmen aýyrǵandar sany kúrt ósti

ÓSKEMEN. KAZINFORM – Shyǵys Qazaqstan oblysynda jyl basynan beri 117 adam kókjótelmen aýyrǵan. Onyń ishinde 39-y bir jasqa deıingi bala. Al ótken jyly osy aýrýǵa tek 3 adam ǵana shaldyqqan.

ShQO sanıtarlyq-epıdımıologııalyq baqylaý departamentiniń málimetine súıensek, oblys boıynsha Óskemen qalasynyń turǵyndary kókjótelge jıi shaldyqqan.

- Óskemende – 94, Ulan aýdanynda – 9, Glýbokoe aýdanynda – 4, Zaısan aýdanynda – 3, Tarbaǵataı jáne Shemonaıha aýdandarynda – 2, Rıdder qalasy, Kúrshim jáne Altaı aýdandarynda – 1 adam kókjótelmen aýyrdy. Jas ereksheligi boıynsha 39-y 1 jasqa deıingi sábı, 68-i 1-5 jas aralyǵyndaǵy bala, 8-i 6-9 jas aralyǵyndaǵy bala, 2-i 19 jastaǵy jáne odan eresek adam, - deıdi departament basshysynyń orynbasary Sáýle Slıamǵazına.

Naýqastardyń ishinde 93-i ekpe almaǵan. Onyń ishindegi 9 bala ekpe jasyna jetpese, 28-inde medıtsınalyq qarsy kórsetilimder bolǵan. Al 47-i ekpeden bas tartsa, 9-y ekpeni ótkizip alǵan.

2023 jyly oblysta kókjóteldiń tek 3 rastalǵan jaǵdaıy tirkelgen bolatyn.

Aıta keteıik, kókjótel — bul bakterııalyq ınfektsııa. Ásirese balalar arasynda jıi taraıtyn aýrý. Bul aýrýdy Bordetella pertussis bakterııasy týdyrady, ol tynys alý joldaryna áser etip, uzaq ári qatty jótelge ákeledi.

Eske salsaq, osyǵan deıin Óskemende halyq tunshyǵyp, al sarapshylar aýa sapasynyń monıtorıngi sylbyr júrgiziletinin synaǵany habarlanǵan.