Shyǵys Qazaqstanda kóktemgi sý tasqynynyń aldyn alý jumystary jalǵasyp jatyr
ASTANA. KAZINFORM — Shyǵys Qazaqstan oblysynda Marqakól aýdany mańyndaǵy Qaljyr ózeninde qutqarýshylar muz jamylǵysyn álsiretý maqsatynda josparly jarý jumystaryn júrgizdi. Bul týraly Tótenshe jaǵdaılar mınıstrligi málim etti.
Osylaısha TJM mamandary 15 myń sharshy metr muzdy usaqtap, kóktemgi sý tasqyny kezinde muz keptelisteriniń paıda bolý qaýpin azaıtýǵa yqpal etti.
Qazirgi ýaqytta TJD qyzmetkerleri men jergilikti atqarýshy organdardyń ókilderi muz massalarynyń qozǵalysyn baqylaýda. Bul sharalar sýdyń kedergisiz ótýin qamtamasyz etýge jáne tótenshe jaǵdaılar qaýpin barynsha azaıtýǵa baǵyttalǵan.
Eske sala keteıik, buǵan deıin Shyǵys Qazaqstandaǵy Úlbi ózeninde muz jarý jumystary júrgizildi.
Al búgin Premer-mınıstrdiń orynbasary Qanat Bozymbaev Ulytaý oblysynyń sý tasqyny kezeńine daıyndyǵyn tekserdi. Jumys sapary barysynda vıtse-premer Jezdi ózeniniń arnasyndaǵy jaǵdaımen tanysyp, Qarsaqpaı, Sarlyq, Qorǵasyn, Boztumsyq jáne Malshybaı eldi mekenderin sý tasqynynan qorǵaý boıynsha atqarylyp jatqan jumystardy qarap shyqty.
