Shyǵys Qazaqstanda qysqa daıyndyq qalaı júrgizilip jatyr
ÓSKEMEN. KAZINFORM – Sınoptıkter Shyǵys Qazaqstan oblysynda aldaǵy qysta qar qalyń jaýady, keıde aıaz -45 gradýsqa deıin jetedi dep boljap otyr. Kazinform tilshisi óńirdegi jol jáne kommýnaldyq qyzmetterdiń mundaı aýa raıyna qanshalyqty daıyn ekendigin bilip kórdi.
El shyǵysynda qys minezi qaharly. Ótken jyldyń basyndaǵy aýa temperatýrasynyń kúrt ózgerýi men qalyń jaýǵan qar Marqakól aýdanynda tótenshe jaǵdaıdyń jarııalanýyna da sebep bolǵany belgili. Qańtar-sáýir aılary aralyǵynda oblysta aýa raıy jaǵdaıyna baılanysty joldar 44 ret, ortasha eseppen 12 saǵatqa jabylyp otyrǵan.
Sondyqtan qysqa daıyndyqty tyńǵylyqty júrgizý asa mańyzdy. Qazirdiń ózinde kóktaıǵaqqa qarsy 100 tonnadan astam materıal satyp alynyp, qural-jabdyqtar jóndeýden ótken.
«Jalpy Shyǵys Qazaqstanda qys kezinde tótenshe jaǵdaılardy joıý josparyna sáıkes 1717 adam men 686 tehnıka jumyldyrylýǵa daıyn. Onyń ishine kommýnaldyq jáne jol qyzmetteri de kiredi. Departamentte apattyq-qutqarý jáne evakýatsııalaý jumystaryn júrgizý úshin 114 releftik tehnıka da saqadaı saı», - deıdi ShQO TJD tótenshe jaǵdaılardy joıý basqarmasynyń bastyǵy Ernar Jálelov.
Jalpy oblys boıynsha 256 shaqyrym jol jıi qar qursaýynda qalady. Onyń 112 shaqyrymy - respýblıkalyq mańyzy bar joldar.
Bul joldarda «Qazavtojol» ulttyq kompanııasynyń enshiles kásiporny - «KAJservıs» JShS Shyǵys Qazaqstan oblystyq fılıaly qyzmet kórsetedi.
«Bizdiń fılıal respýblıkalyq mańyzy bar 597 shaqyrym jolda qyzmet kórsetedi. Olardy qysta kútip-ustaý úshin qazir 100 mamandandyrylǵan qar tazalaý tehnıkasy ázir tur. 2024 jyly arnaıy tehnıkalar parkin jańartyp, 6 aýyr avtogreıder aldyq. Sonymen qatar joldardy qardan qorǵaý úshin 1100 arnaıy qar qalqanyn daıyndadyq», - deıdi kásiporynnyń bas ınjeneri Aıdyn Nuraldınov.
Eske salsaq, osyǵan deıin Shyǵys Qazaqstandaǵy qar tazalaıtyn tehnıkalar qysqa áli tolyq daıyn emestigin habarlaǵan edik.
