Shyǵys Qazaqstanda kene shaqqan adam sany 2 myńǵa jýyqtady
ÓSKEMEN. KAZINFORM – Shyǵys Qazaqstan oblysynda kóktem shyqqaly beri kene shaqqan adam sany 2 myńǵa jýyqtady.
ShQO Sanıtarııalyq-epıdemıologııalyq baqylaý departamenti baspasóz qyzmetiniń málimetine súıensek, óńirde kene shaqqandar sany kún saıyn artyp keledi. Keneniń taralý maýsymy sáýir aıynda bastalǵan.
«Qazirgi tańda oblys boıynsha barlyǵy 1904 adam keneden zardap shekken. Kene shaǵýdyń eń kóp jaǵdaıy Óskemen qalasynda (995 adam) tirkeldi. Odan keıingi orynda Rıdder, Altaı, Glýbokoe, Shemonaıha, Katonqaraǵaı, Zaısan, Samar jáne Ulan aýdandary tur», - delingen aqparatta.
Zardap shekkenderdiń ishinde 1802 adam kene entsefalıti vırýsyna qarsy ımmýnoglobýlın aldy. Qalǵan 102 adam arasynda dárigerlerge tym jaı qaralǵandar, qarsy medıtsınalyq kórsetilimderi barlar jáne ımmýnoglobýlın alýdan óz erkimen bas tartqandar bar. Sondaı-aq Óskemende 1 ıksoıdty kene borrelıozy nemese Laıma aýrýy tirkelip otyr. Al jalpy Shyǵys Qazaqstan oblysynda kene entsefalıtine shaldyqqan eshkim joq.
