Shyǵys Qazaqstanda qaıyqtan qulap ketken 2 adam qutqaryldy

ÓSKEMEN. KAZINFORM – Shyǵys Qazaqstan oblysy Altaı aýdanynda qaıyqtan qulap ketken 2 adam qutqaryldy.

ShQO tótenshe jaǵdaılar departamenti baspasóz qyzmetiniń málimetine súıensek, oqıǵa búgin Altaı aýdanyndaǵy Zaıchıha shatqalynyń mańynda bolǵan.

«Eki adam Maleev kópiri mańyndaǵy shaǵyn ózende qaıyqpen júzip júrgen. Kenet qaıyq aýdarylyp, olar qulap ketti. №2 mamandandyrylǵan órt sóndirý bólimshesiniń qutqarýshylary muny baıqap, dereý kómekke umtyldy. Azamattardy sýdan shyǵaryp, jaǵaǵa jetkizdi», - delingen aqparatta.  

59 jáne 56 jastaǵy er adamdarǵa medıtsınalyq kómek qajet bolǵan joq. 

Osy rette TJD qyzmetkerleri oblys turǵyndaryna qaıyqqa otyrǵanda qaýipsizdik sharalaryn qatań saqtap, barynsha abaı bolý qajettigin jetkizdi. 

Posmotret etý pýblıkatsııý v Instagram

Pýblıkatsııa ot Shko Tjd Dchs Vko (@shygysqaz_tjd)