Shyǵys Qazaqstanda kartop tapshylyǵy joq
ÓSKEMEN. KAZINFORM – Shyǵys Qazaqstan oblysynda kartop tapshylyǵy baıqalmaıdy.
Byltyr Ózbekstan men Reseıde ónimniń az jınalýyna baılanysty kartopqa qatysqy dúrbeleń bastalǵan. Reseıde kartop qymbattaýyna baılanysty Pavlodar kásipkerleri kórshi elge kartop jóneltip otyrǵan. Osyǵan oraı taıaýda Qazaqstan úkimeti aralasyp, eksportqa tyıym saldy.
ShQO Kásipkerlik jáne ındýstrııalyq-ınnovatsııalyq damý basqarmasynyń málimetine súıensek, búgingi tańda oblysta kartop áleýmettik baǵamen turaqtandyrý qorynyń 25 núktesinde jáne «Ertis» ÁKK-men memorandým jasaǵan 41 saýda ornynda satylyp jatyr. Áleýmettik kartoptyń baǵasy - 125 teńge.
- Óńirde kartop tapshylyǵy bolǵan joq, dúrlikpe qoldan jasalynǵan. «Altaı» kóterme-úlestirý ortalyǵynyń mamandary kartop jetkizý boıynsha kelisimsharttar jasaý úshin Pavlodar oblysyna bardy. Sondaı-aq dúısenbiden bastap bul kókónisti Óskemenge Rıdderdegi sharýa qojalyqtarynyń biri 210-215 teńge baǵamen jetkize bastaıdy, - deıdi ol.
Eske salsaq, osyǵan deıin Qazaqstan qalalarynda kartop baǵasy qansha turatynyn jazǵanbyz.