Shyǵys Qazaqstanda qar kóshkinine qarsy jańa tásil qoldanyldy
ÓSKEMEN. KAZINFORM — Shyǵys Qazaqstan oblysynda alǵash ret qar kóshkinine qarsy «Daisybell» júıesi synaldy.
ShQO tótenshe jaǵdaılar departamenti baspasóz qyzmetiniń málimetine súıensek, «Óskemen-Samar» tasjolynyń 95-102 shaqyrymyndaǵy qar kóshkini qaýpi bar 5 ýchaskede «Daisybell» júıesiniń synaǵy sátti ótkizildi. Ol úshin TJM «Qazavıaqutqarý» AQ tikushaǵy tartyldy.
Bul qondyrǵy tikushaqqa kabel arqyly bekitilgen metall konýs. Qurylǵynyń jumys prıntsıpi konýstaǵy azot-sýtegi qospasyny jarylysy arqyly qardy qozǵaıdy.
— Qazaqstannyń taýly jerlerinde kóshkin qaýpi joǵary 619 ýchaske bar. Jyl saıyn mamandar qar kóshkininiń aldyn alý úshin jasandy jolmen 150-ge jýyq ret qar kóshkinin túsiredi. Almaty qalasynyń, Almaty jáne Shyǵys Qazaqstan oblystarynyń qaýipti ýchaskelerinde jalpy kólemi 14 myń tekshe metr qar túsirilgen 26 profılaktıkalyq kóshkin túsirý jumystary júrgizildi, — deıdi «Qazseldenqorǵaý» MM basshysy Erbolat Sadyrbaev.
«Daisybell» sııaqty jańa tehnologııalar kóshkinge qarsy jumystarda turaqty qoldanylatyn bolady. Bul taýly aýdandarda qar kóshkinin boldyrmaýǵa múmkindik beredi.
Eske salsaq, osyǵan deıin Shyǵys Qazaqstanda qar kóshkini túsirilgeni habarlanǵan.