Shyǵys Qazaqstanda qar kóshkinin erte eskertý júıesi engizilip jatyr
ÓSKEMEN. KAZINFORM — Shyǵys Qazaqstan oblysynda qar kóshkinine monıtorıng júrgizý jáne erte eskertý júıesin engizý jobasy iske asyrylyp keledi.
Óńir boıynsha 325 ýchaskede qar kóshkini júrý qaýpi bar. Jalpy kóshkin qaýpi joǵary kezeń Shyǵys Qazaqstanda qarasha aıynan sáýirge deıin sozylady.
Sondyqtan oblysta qar kóshkinin erte eskertý júıesi engizilip jatyr. Mundaǵy maqsat — halyqtyń qaýipsizdik deńgeıin arttyrý jáne taýly aımaqtardaǵy ınfraqurylym obektilerin tabıǵı qaýip-qaterden qorǵaý.
— Kólik joldary men eldi mekenderge qaýip tóndiretin eń qaýipti ýchaskeler aspaly datchıkteri bar dińgektermen jabdyqtaldy. Olar Glýbokoe aýdanynyń Taýly Úlbi aýdanynda, Altaı aýdanynyń Zýbovsk kentiniń janynda jáne Taınty ýchaskesinde ornatylǵan. Datchıkter qar mólsherin, topyraqtyń ylǵaldylyǵy men quramyn, aýanyń ortasha temperatýrasyn tirkeıdi, — dep habarlady ShQO TJD baspasóz qyzmetinen.
Alynǵan derekter avtomatty túrde ahýaldyq ortalyqqa túsedi, onda aqparat taldanyp, qar kóshkininiń yqtımal ýaqytyna deıin qaýip-qater deńgeıi esepteledi.
Eske salsaq, osyǵan deıin Úndistanda kóshkin saldarynan 24 adam qaza bolǵany habarlanǵan.