Shyǵys Qazaqstanda qar kóshkini júrdi

ÓSKEMEN. KAZINFORM — Shyǵys Qazaqstan oblysyndaǵy tasjolda qar kóshkini júrdi.

 ShQO tótenshe jaǵdaılar departamenti baspasóz qyzmetiniń málimetine súıensek, kóshkin búgin Altaı aýdanynda júrgen.

—Respýblıkalyq mańyzy bar «Óskemen — Altaı — Úlken Naryn — Qatonqaraǵaı — Rahman qaınarlary» tasjolynyń 62-shi shaqyrymda ózdiginen qar kóshkini júrdi. Bul jol ýchaskesi qaýipsizdik maqsatynda aldyn ala jabylǵan. Túsken qardyń jalpy kólemi — 1300 tekshe metr, — delingen aqparatta.

Kóshkinniń júrýine qardyń qalyń jaýyp, jeldiń kúsheıýi seber bolyp otyr. Abyroı bolǵanda, zardap shekken eshkim joq.

— Qar joldy tolyqtaı jaýyp qaldy. «KAJservıs» JShS-nyń 4 tehnıkasy joldy tazartýǵa jumyldyryldy, — delingen habarlamada.

Qutqarýshylar qar kóshkini qaýpi áli de saqtalǵandyqtan óńir jurtshylyǵyna taýly jerlerge barýdyń qaýipti ekendigin eskertti.

Eske salsaq, osyǵan deıin Almaty oblysynyń taýly aımaqtarynda qar kóshkini qaýpi bar ekendigi habarlanǵan.