Shyǵys Qazaqstanda qar kóshkini túsiriletindikten jol jabylady

ÓSKEMEN. KAZINFORM – Shyǵys Qazaqstan oblysynda jasandy jolmen qar kóshkini túsirilmek. 

ShQO tótenshe jaǵdaılar departamenti baspasóz qyzmetiniń málimetine súıensek, 27 qańtarda saǵat 10-00-de profılaktıkalyq maqsatta qar kóshkini júrgiziledi.

– Soǵan baılanysty jergilikti mańyzy bar «Sogornoe-Barlyq» avtokólik jolynyń 9-17 shaqyrymy ýchaskesi jabylady. Kólik júrgizýshilerin óz baǵyttaryn aldyn ala josparlap alýdy suraımyz, - delingen aqparatta.

Oblys boıynsha barlyǵy 325 qar kóshkini oshaǵy bar. Onda 93 shaqyrym avtojol, mereke jáne demalys kúnderi 3000-nan astam demalýshyny qabyldaıtyn týrıstik jáne shańǵy bazalary ornalasqan. 

Eske salsaq, osyǵan deıin Aýstrııada qar kóshkininen 8 adam qaza tapqany habarlanǵan.