Shyǵys Qazaqstanda qar kóshkini túsiriledi

Shyǵys Qazaqstan oblysynda jasandy jolmen qar kóshkini túsirilmek, dep habarlaıdy Kazinform. 

ShQO Tótenshe jaǵdaılar departamenti baspasóz qyzmetiniń málimetine súıensek, búgin óńirdegi tasjoldardyń biriniń boıyndaǵy taý bókterinde jarylys jasalyp, kóshkin túsiriledi.

«Saǵat 11.00-de respýblıkalyq mańyzy bar «Óskemen-Altaı-Úlken Naryn-Katonqaraǵaı-Rahman qaınarlary tasjolynyń 58-66 shaqyrymynda jasandy jolmen qar kóshkini túsiriledi. Sondyqtan atalǵan tasjol jabyq bolady. Kólik júrgizýshilerine marshrýtty aldyn ala josparlap alýdy suraımyz», - delingen aqparatta.

Sondaı-aq qutqarýshylar jurtshylyqqa alys saparǵa shyǵar aldynda joldyń jaı-kúıin «Dármen» mobıldi qosymshasy arqyly tekserip otyrýǵa keńes berdi.