Shyǵys Qazaqstanda qar kóshkini túsirildi
ÓSKEMEN. KAZINFORM – Shyǵys Qazaqstan oblysynda jasandy jolmen qar kóshkini túsirildi.
ShQO tótenshe jaǵdaılar departamenti baspasóz qyzmetiniń málimetine súıensek, «Óskemen-Rahman qaınary» tasjolynda qar kóshkininiń aldyn alý sharalary júrgizildi.
– Bul jol – óńirdegi eń qozǵalysy qarqyndy ári jer bederi kúrdeli baǵyttardyń biri. Osyǵan baılanysty taý bókterinde 7 jarylys jasaldy. Jalpy kólemi 1 885 tekshe metr qar túsirilip, ózdiginen kóshkin júrý qaýpi aıtarlyqtaı tómendetildi, - delingen aqparatta.
Shyǵys Qazaqstan – respýblıkadaǵy qar kóshkini qaýpi joǵary óńirlerdiń biri. Oblystyq «Qazseldenqorǵaý» mekemesi oblystyq fılıalynyń dereginshe, oblys boıynsha 497 ýchaskede qar kóshkini júrýi múmkin. Onda 93 shaqyrym kólik joly ornalasqan.
Eske salsaq, osyǵan deıin Almaty taýlarynda týrıster qar kóshkininiń astynda qalyp, bir adam kóz jumǵany habarlanǵan.