Shyǵys Qazaqstanda qar kóshkini túsirildi
ÓSKEMEN. KAZINFORM – Shyǵys Qazaqstan oblysynda jasandy jolmen qar kóshkini túsirildi.
ShQO Tótenshe jaǵdaılar departamenti baspasóz qyzmetiniń málimetine súıensek, azamattardyń qaýipsizdigin qamtamasyz etý maqsatynda óńirdegi «Sogornoe-Barlyq» tasjolynyń 9-17 shaqyrymy aralyǵyndaǵy ýchaskede qar kóshkinin túsirý jumystary júrgizildi. Taý bókterinde jarylys jasalyp, 330 tekshe metr qar túsirildi. Joldy jaýyp qalǵan qar kóp uzamaı tazalandy.
– Kóshkin qaýpi týraly boljam qar qalyńdyǵy týraly málimetter boıynsha jasalady. Tekserý júrgizilgennen keıin «Qazseldenqorǵaý» mekemesiniń mamandary jasandy jolmen qar kóshkinin júrgizý qajettiligi týraly sheshim qabyldaıdy. Al TJD qyzmetkerleri jumystardyń qaýipsizdigin qamtamasyz etedi, - deıdi «Qazseldenqorǵaý» ShQO fılıalynyń basshysy Erbol Bekpaev.
Aıta keteıik, oblys boıynsha barlyǵy 325 qar kóshkini oshaǵy bar. Onda 93 shaqyrym avtojol, mereke jáne demalys kúnderi 3000-nan astam demalýshyny qabyldaıtyn týrıstik jáne shańǵy bazalary ornalasqan.
Eske salsaq, osyǵan deıin qar kóshkini qaýpine baılanysty Bogdanovıch muzdyǵynda shekteý kúsheıtilgeni habarlanǵan.