Shyǵys Qazaqstanda qar kóshkini túsirildi

ÓSKEMEN. KAZINFORM – Shyǵys Qazaqstan oblysynda qalyń qar jaýyp, jel soǵyp, kóshkin júrý qaýpi artqan.

ShQO Tótenshe jaǵdaılar departamenti baspasóz qyzmetiniń málimetine súıensek, qar kóshkininiń aldyn alý sharasy búgin «Óskemen-Gornaıa Úlbi-Severnoe» tasjolynda júrgizildi.

- Taý bókterinde birneshe jarylys jasalyp, 680 tekshe mert qar túsirildi. Qar joldy jaýyp qaldy. Kóp uzamaı arnaıy tehnıkamen jol tazartylyp, qaıta ashyldy, - delingen aqparatta.

Óńirdiń taýly aýdandaryn kóshkinnen qorǵaý úshin barlyǵy 1459 qar ustaıtyn qalqan ornatylǵan. QR TJM «Qazseldenqorǵaý» mekemesiniń mamandary qar kóshkini qaýpine turaqty túrde monıtorıng jasap jatyr. Sońǵy kúnderi qalyń qar jaýyp, jel kúsheıgendikten turǵyndarǵa ázirge taýǵa barýdan bas tartqan jón.

Eske salsaq, buǵan deıin ShQO qutqarýshylarynyń halyqqa eskertý jasaǵany habarlanǵan.