Shyǵys Qazaqstanda qar kóshkini túsirildi
ÓSKEMEN. KAZINFORM – Shyǵys Qazaqstan oblysynda jasandy jolmen qar kóshkini túsirildi.
«Qazseldenqorǵaý» ShQ fılıaly baqylaýshylarynyń derekteri boıynsha Altaı aýdanynyń taýlarynda qardyń bıiktigi shamamen 45-50 santımetrge jetti. Azamattardyń qaýipsizdigi maqsatynda «Óskemen-Altaı» avtojolynda profılaktıkalyq túsýler ýaqtyly júrgizildi.
— Qar kóshkinin bastaýǵa baǵyttalǵan is-sharalar Syǵylǵan aýa nemese gaz-aýa qospasynyń jarylystary arqyly qar massalaryna áser etýge múmkindik beredi. Nátıjesinde 3 túsý júrgizilip, 2466 tekshe metr qar tústi, — dep atap ótti QR TJM «Qazseldenqorǵaý» ShQ fılıalynyń basshysy Erbol Bekpaev.
ShQO TJD jáne QR TJM Qazseldenqorǵaý fılıalynyń ShQ mamandary taýlardaǵy demalys áýesqoılaryna saqtyq sharalaryn saqtaý kerektigin eskertedi. Qar kóshkini adamnyń shýy men aıqaıynan shyǵýy bek múmkin.
— Qaýipti boldyrmaý úshin taýǵa shyqpas buryn kóshkin qaýpi týraly daýyl týraly eskertý bar-joǵyn tekserińiz, — dep eskertti vedomstvodan.
Osy rette, qutqarýshylar óńir jurtshylyǵyna joldardyń jaı-kúıin «Dármen» mobıldi qosymshasy arqyly bilip otyrýǵa keńes berdi.
Eske sala keteıik, ShQO-da jasandy jolmen qar kóshkinin túsirýge baılanysty jol jabylatynyn jazǵan edik.