Shyǵys Qazaqstanda qar kóshkini túsirildi

ÓSKEMEN. KAZINFORM – Shyǵys Qazaqstan oblysynda jasandy jolmen qar kóshkini túsirildi.

«Qazseldenqorǵaý» ShQ fılıalynyń mamandary júrgizgen monıtorıng nátıjesinde «Óskemen-Altaı-Úlken Naryn-Katonqaraǵaı-Rahman qaınarlary» tasjolynyń 58-66 shaqyrymyndaǵy qar qalyńdyǵy 45-ten 75 sm-ge deıin jetkeni anyqtaldy. Sondyqtan qaýipsizdik maqsatynda profılaktıkalyq kóshkin júrgizý qajettiligi týyndaǵan.

«Taý bókterinde 4 ret jarylys jasaldy. Barlyǵy 4700 tekshe metr qar túsirildi. Qar kólik jolyn jartylaı jaýyp qaldy. Ýchaskeni jol qyzmetteri jedel tazartty», - dep habarlady oblystyq Tótenshe jaǵdaılar departamentiniń baspasóz qyzmetinen.

Qar kóshkini qaýpi joǵary kezeń bastalǵaly beri óńir boıynsha barlyǵy 44 ret qar kóshkini túsirilgen.

Osy rette, qutqarýshylar óńir jurtshylyǵyna alys saparǵa shyǵar aldynda joldyń jaı-kúıin «Dármen» mobıldi qosymshasy arqyly tekserip otyrýǵa keńes berdi.