Shyǵys Qazaqstanda qar kóshkini túsirildi

ÓSKEMEN. KAZINFORM – Shyǵys Qazaqstan oblysynda taýda jarylys jasalyp, qar kóshkini túsirildi.

Qar kóshkininiń aldyn alý sharasy oblystyq mańyzy bar «Óskemen-Samar» tasjolynyń 132-137 shaqyrymynda júrgizildi.

- «Qazseldenqorǵaý» mekemesiniń mamandary atalǵan ýchaskedegi taý bókterinde 4 ret jarylys jasady. Barlyǵy 1330 tekshe metr qar túsirildi. Jol qardan birden tazartyldy. Osylaısha qar kóshkininiń ózdiginen túsý qaýpi aıtarlyqtaı azaıdy, - dep habarlady oblystyq Tótenshe jaǵdaılar departamentiniń baspasóz qyzmetinen.

Osy rette qutqarýshylar óńirdiń taýly jerlerinde qar kóshkini túsýi qaýpi áli de saqtalyp turǵanyn eskertti.

- Eger jolda qandaı da bir qıyndyqqa tap bolsańyzdar birden «112» nómirine qońyraý shalyńyzdar, - dep eske saldy vedomstvo ókilderi.

Eske salsaq, buǵan deıin ShQO-da otqa oranǵan jer úıden 29 jastaǵy áıeldiń denesi tabylǵany habarlanǵan.