Shyǵys Qazaqstanda qar kóshkini qaýpine baılanysty taǵy da jol jabyldy

ÓSKEMEN. KAZINFORM – Shyǵys Qazaqstan oblysynda qar kóshkini qaýpine baılanysty taǵy da jolda kólik qozǵalysyna tyıym salyndy.

Óńirdegi tasjoldardyń birine qar kóshkini túsýi yqtımal.

— Búgin saǵat 15.00-den bastap respýblıkalyq mańyzy bar «Óskemen-Altaı-Úlken Naryn-Katonqaraǵaı-Rahman qaınarlary» tasjolynyń 6-166 shaqyrymynda (Ýshanov aýyly men Altaı qalasynyń aralyǵy) kóliktiń barlyq túri úshin qozǵalysqa tyıym salynady, — dep habarlady ShQO tótenshe jaǵdaılar departamentiniń baspasóz qyzmetinen.

Osy rette, qutqarýshylar óńir jurtshylyǵyna alys saparǵa shyǵar aldynda joldardyń jaı-kúıin «Dármen» mobıldik qosymshasy arqyly tekserip otyrýǵa keńes berdi.

Eske salsaq, keshe Shyǵys Qazaqstanda bir kúnde eki ret qar kóshkini júrgen.