Shyǵys Qazaqstanda qar barysy fototuzaqqa túsip qaldy

ÓSKEMEN. KAZINFORM – Shyǵys Qazaqstan oblysyndaǵy Katonqaraǵaı ulttyq parkinde qar barysy fototuzaqqa túsip qaldy.

QR Aýyl sharýashylyǵy mınıstrliginiń Orman sharýashylyǵy jáne janýarlar dúnıesi komıtetiniń málimetine súıensek, Katonqaraǵaı memlekettik ulttyq tabıǵı parkinde Qazaqstannyń Qyzyl kitabyna engen janýarlardy baqylaý úshin ornatylǵan fototuzaqtar tekserildi. 

Foto: QR Aýyl sharýashylyǵy mınıstrliginiń Orman sharýashylyǵy jáne janýarlar dúnıesi komıteti

— Altaı fılıalyndaǵy Altaı orman sharýashylyǵynda fototuzaqqa óte sırek kezdesetin, joıylyp ketý qaýpi tónip turǵan qar barysy (Panthera uncia) túsip qaldy. Bul qorshaǵan orta men janýarlar álemin qorǵaý sharalarynyń tıimdiliginiń dáleli, — dep habarlady komıtetten. 

Eske salsaq, osyǵan deıin ulttyq parktegi fototuzaqtar qalaı ornatylatyndyǵy jaıly jazǵan edik.