Shyǵys Qazaqstanda halyqaralyq búrkitshiler festıvali ótedi

ÓSKEMEN.KAZINFORM – Shyǵys Qazaqstan oblysy Ulan aýdanynda «Shyǵys salbýryny - 2025» festıvali ótedi.  

Kózi qyraǵy qyran qusty qolyna qondyryp, ańǵa salýdy jany súıetin jandardyń basyn qosyp kele jatqan «Shyǵys salbýryny» festıvali bıyl da jalǵasyn tappaq. Oǵan ádettegideı álemniń ár túkpirinen búrkitshiler keledi dep kútilip otyr.

– «Shyǵys salbýryny - 2025» festıvali 9-11 qazan aralyǵynda Ulan aýdanyna qarasty Bozanbaı aýylynyń mańyndaǵy «Búrkit tóbe» alańynda uıymdastyrylady. Oǵan Qazaqstannyń túkpir-túkpirinen jáne shetelden búrkitshiler qatysady. Olar jyrtqysh qustardyń kúshin, sheberligin jáne sulýlyǵyn kórsetip, ǵasyrlar boıy qalyptasqan ulttyq dástúrlerdi keńinen nasıhattamaq, - dep habarlady Ulan aýdany ákimdiginen.

Aıta keteıik, byltyr búrkitshiler dodasyna 90-nan astam qusbegi qatysyp, 5000-nan astam adam kelgen.

Eske salsaq, osyǵan deıin búrkitshi qyz Túrkistanda murajaı ashyp, jastardy qusbegilik ónerge baýlyp júrgeni jaıly jazǵanbyz.