Shyǵys Qazaqstanda halyqaralyq áýe reısteri ashylady

ÓSKEMEN. KAZINFORM – Shyǵys Qazaqstan oblysynda halyqaralyq áýe reısteri ashylmaq.

ShQO Jolaýshylar kóligi jáne avtomobıl joldary basqarmasynyń málimetine súıensek, óńir turǵyndary An-24 ushaǵy qatynaıtyn Óskemen-Zaısan baǵytyna suranys bildirip otyr.

«Ár reıske 80 paıyz jolaýshy tolady. Bir reıstiń baǵasy – 15 myń teńge. Ushý jergilikti bıýdjetten sýbsıdııalanady. Bıyl memleket tarapynan kórsetilgen qoldaý kólemi 187,1 mln teńgeni qurady. Osy baǵyt boıynsha jylyna barlyǵy 15 myńnan astam jolaýshy tasymaldaý josparlanýda. 2024 jyly áýe qatynasyna suranysty eskere otyryp, Óskemennen Zaısan aýdanyna reıs sany aptasyna tórt retke deıin ósti», - deıdi basqarma basshysynyń orynbasary Aıjan Rahymbaeva.

Sondaı-aq Shyǵys Qazaqstanda birqatar halyqaralyq áýe reısi ashylmaq. Atap aıtqanda:

- 31 naýryzdan bastap Óskemen-Máskeý (aptasyna eki ret);

- Ekinshi jartyjyldyqtan bastap Óskemen-Úrimshi;

- Mamyr-qyrkúıek aılary aralyǵynda Óskemen-Antalııa (aıyna úsh ret).