Shyǵys Qazaqstanda gaz qubyry tesilip, 5 aýyldyń halqy kógildir otynsyz otyr

Shyǵys Qazaqstan oblysy Zaısan aýdanyndaǵy Aınabulaq aýylynyń mańynda gaz qubyry tesilip, 860-tan astam úı kógildir otynsyz qaldy, dep habarlaıdy Kazinform.

30 qazan kúni keshki ýaqytta Zaısan aýdanyndaǵy Aınabulaq aýylynyń mańynda gaz qubyry tesilgen.

Sonyń saldarynan Jambyl, Kógedaı, Shalqar, Qaratal, Úlken Qaratal aýyldarynyń turǵyndary kógildir otynsyz qaldy.

«Barlyǵy 860-tan astam abonent gazsyz qalyp otyr. Apat bolǵan jerge birden «QazTransGazAımaq» AQ mamandary kelip jetken. Qazirgi ýaqytta qalypqa keltirý jumystary júrip jatyr», - dep habarlady ShQO qurylys, energetıka jáne turǵyn úı-kommýnaldyq sharýashylyq basqarmasynan.

Boljam boıynsha búgin túske deıin aýyldarǵa qaıta gaz beriledi.