Shyǵys Qazaqstanda eki kólik soqtyǵysyp, 4 adam kóz jumdy
ÓSKEMEN. KAZINFORM – Shyǵys Qazaqstan oblysynda jol apatynan 4 adam qaza boldy.
ShQO polıtsııa departamenti baspasóz qyzmetiniń málimetine súıensek, jol-kólik oqıǵasy 1 aqpan kúni «Kúrshim-Qaljyr» tasjolynda bolǵan. Lada Granta jáne Hyundai Santafe markaly avtokólikter soqtyǵysty.
- Jol apaty saldarynan Lada Granta júrgizýshisi men úsh jolaýshysy oqıǵa ornynda til tartpaı ketti. Polıtsııa atalǵan fakti boıynsha qylmystyq is qozǵady. Qazirgi ýaqytta sotqa deıingi tergeý amaldary júrgizilip jatyr. Sonyń nátıjeleri boıynsha protsessýaldyq sheshim qabyldanady, - delingen aqparatta.
Osy rette, tártip saqshylary kólik júrgizýshilerin qaýipsizdik erejelerin qatań saqtap, alys jolda barynsha abaı bolý qajettigin eskertti.
Eske salsaq, buǵan deıin Jetisý oblysynda jol boıyndaǵy temir qorshaýǵa soǵylǵan kólik júrgizýshisi mert bolǵany habarlanǵan.