Shyǵys Qazaqstanda burqasynǵa baılanysty jol jabyldy
ÓSKEMEN. KAZINFORM — Shyǵys Qazaqstan oblysyndaǵy joldardyń biri kóliktiń barlyq túri úshin jabyldy.
ShQO Tótenshe jaǵdaılar departamenti baspasóz qyzmetiniń málimetine súıensek, aýa raıy qolaısyzdyǵyna, naqty aıtqanda burqasyn men joldyń durys kórinbeýine baılanysty oblystyq mańyzy bar jol jabyldy.
— Saǵat 21.00-den bastap «Óskemen-Tarǵyn-Samar» tasjolynyń 63-145 shaqyrymynda (Tarǵyn men Samar aýyldarynyń arasy) kóliktiń barlyq túriniń qozǵalysyna tyıym salyndy. Sondyqtan kólik júrgizýshilerin baǵyttaryn aldyn ala josparlap alýdy suraımyz, — dep habarlady vedomstvo ókilderi.
Qutqarýshylar halyqqa alys saparǵa shyǵar aldynda joldardyń jaı-kúıin «Dármen» mobıldik qosymshasy arqyly tekserip otyrýǵa keńes berdi.
Eske salsaq, osyǵan deıin Úlken Almaty aınalma jolynda 2026 jyldan bastap jolaqy qymbattaıtyndyǵy habarlanǵan.