Shyǵys Qazaqstanda brýtsellez ben qutyrma aýrýlarynyń oshaqtary tirkeldi

ÓSKEMEN. KAZINFORM – Shyǵys Qazaqstan oblysy Kúrshim aýdanynda iri qara mal arasynda brýtsellez aýrýynyń kóbeıýine baılanysty karantın engizilgenine bes aı boldy.

Aýrý anyqtalǵan Terektibulaq aýylynda mamandar 15-20 kún saıyn maldan qan alyp, zertteýler júrgizip jatyr. Dese de ınfektsııanyń jańa jaǵdaılary tirkelýde.

- Іri qara men aýrýǵa beıim basqa da maldan qan alynyp, Kúrshim aýylyndaǵy zerthanada taldaý jumystary júrgizilýde. Áli kúnge deıin aýrý anyqtalyp jatqandyqtan, saýyqtyrý sharalary jalǵasa beredi, - deıdi ShQO veterınarııa basqarmasynyń bas mamany Anar Rahmanova.

Ótken jyly oblysta tórt túlikten qaýipti aýrýlardyń 10 oshaǵy tirkeldi. Onyń ishinde qutyrý – 6, brýtsellez – 3, emfızematozdy karbýnkýl – 1. Tarbaǵataı aýdanynda Jetiaral aýyldyq okrýgine qarasty Qamysty aýylynda qutyrma aýrýyn emdeý jumystary jalǵasýda.

Eske salsaq, buǵan deıin SQO-da tumaýdyń tórt túri taraǵany habarlanǵan.