Shyǵys Qazaqstanda boranda qalǵan 3 balyqshy qutqaryldy
ÓSKEMEN. KAZINFORM – Shyǵys Qazaqstan oblysynda qutqarýshylar boranda qalǵan balyqshylarǵa kómekke keldi.
ShQO tótenshe jaǵdaılar departamenti baspasóz qyzmetiniń málimetine súıensek, Shemonaıha aýdany Ýbınka aýylynan 3 shaqyrym qashyqtyqta balyqshylar boran saldarynan úılerine jete almaı qalǵan. Eki jeńil avtokólik qar qursaýynda qalyp, er adamdar qutqarýshylardan kómek suraýǵa májbúr boldy.
- Ótimdiligi joǵary tehnıkamen oqıǵa ornyna jedel-qutqarý jasaǵynyń qyzmetkerleri shyqty. Qar basqan aýyl jolymen zardap shekkenderge jetken olar úsh azamatty evakýatsııalady. Olarǵa medıtsınalyq kómek qajet bolǵan joq, - delingen aqparatta.
Osy rette, TJD qyzmetkerleri balyq aýlaýǵa, tabıǵat aıasynda demalysqa shyqqanda daýyldy eskertýlerdi elemeýge bolmaıtynyn eskertti.
Eske salsaq, osyǵan deıin Jambyl oblysynda polıtseıler bir adamnyń ómirin qutqaryp qalǵany habarlanǵan.
