Shyǵys Qazaqstanda eki áıeldi poıyz basyp ketti

ÓSKEMEN. KAZINFORM — Búgin saǵat 10:20-da Korshýnov – Óskemen-1 (Óskemen-1 – Rıdder ýchaskesi) temir jol boıyna shyqqan eki áıelderdi poıyz basyp ketti. Biri oqıǵa ornynda jan tapsyryp, ekinshi adam shuǵyl aýrýhanaǵa jetkizildi. Bul týraly «Qazaqstan temir joly» UK» AQ baspasóz qyzmeti málim etti.

— 2025 jylǵy 22 tamyzda saǵat 10:20–da Korshýnov — Óskemen-1 (Óskemen-1 — Rıdder ýchaskesi) aralyǵynda poıyz mashınısi temir jolǵa shyǵa kelgen áıelderdi kórgen boıda qozǵalysty shuǵyl tejeýge talpynǵan. Alaıda poıyzdy toqtatyp úlgerý múmkin bolmady. Oqıǵa saldarynan biri qaza taýyp, ekinshi áıel jaraqat aldy, birden aýrýhanaǵa jetkizildi, — delingen habarlamada.

QTJ qaza tapqan áıeldiń týystary men jaqyndaryna kóńil aıtady jáne japa shekken jannyń tezirek saýyǵyp ketýin tileıdi.

— Kompanııa azamattardy temirjolda bolý erejelerin qatań saqtaýǵa, óte muqııat jáne saqbolýǵa shaqyrady. Temir joly — qaýiptiligi joǵary aımaq. Qarapaıym qaýipsizdik erejelerin saqtamaý qaıǵyly saldarǵa ákelýi múmkin, — dep jazdy «Qazaqstan temir joly» UK».

Eske sala keteıik, buǵan deıin Qarabulaq — Tentek aralyǵynda kenetten jolǵa shyǵa kelgen bógde adamdy da poıyz basyp ketken edi. Ol jolv da mashınst poıyzdy toqtatyp úlgermegen edi.