Shyǵys Qazaqstanda aıazǵa baılanysty birneshe jolda kólik qozǵalysy shekteldi

Shyǵys Qazaqstan oblysynda aýa temperatýrasynyń kúrt sýytýyna baılanysty birneshe jolda kólik qozǵalysy shekteldi, dep habarlaıdy Kazinform.   

12 jeltoqsanda saǵat 18.00-den bastap respýblıkalyq mańyzy bar tasjoldyń 3 ýchaskesinde qoǵamdyq kólikterdiń jáne dızelmen júretin avtokólikterdiń qozǵalysyna tyıym salyndy.

«Atap aıtqanda, «Óskemen-Shemonaıha-Reseı Federatsııasynyń shekarasy» tasjolynyń 15-102 shaqyrymynda «Óskemen-Rıdder-Reseı Federatsııasynyń shekarasy» tasjolynyń 15-105 shaqyrymynda, «Óskemen-Altaı-Úlken Naryn-Katonqaraǵaı-Rahman qaınarlary» tasjolynyń 6-166 shaqyrymynda shekteý engizildi», - dep habarlady ShQO Tótenshe jaǵdaılar departamentiniń baspasóz qyzmeti.

Sondaı-aq dál osyndaı kólik túrlerine oblystyq mańyzy bar «Óskemen-Tarǵyn-Samar» tasjolynyń 17-145 shaqyrymynda, «Úlken-Naryn-Kúrshim aýyly» tasjolynyń 0-135 shaqyrymynda, «Shemonaıha-Sekısovka» tasjolynyń 0-54 shaqyrymynda, «Kúrshim-Qaljyr» tasjolynyń 0-131 shaqyrymynda saǵat 20.00-den bastap qozǵalysqa tyıym salynady.