Shyǵys Qazaqstanda aýsylǵa qarsy aýqymdy vaktsınatsııa bastaldy
ÓSKEMEN. KAZINFORM — Shyǵys Qazaqstan oblysynda tórt túlikti aýsylǵa qarsy vaktsınatsııalaý bastaldy.
Óńirdegi veterınarııalyq qyzmetter naýryz aıynda tórt túliktiń birneshe túrin qatar qamtıtyn vaktsınatsııa júrgizýdi bastady. Atap aıtqanda, 330 myńnan astam iri qaraǵa, 500 myńnan astam qoı-eshkige, 9 myńnan astam shoshqaǵa ekpe salynýy tıis.
ShQO veterınarııa basqarmasynyń málimetinshe, mal basynyń edáýir bóligi aldyn alý sharalarymen qamtylǵan.
— Búgingi tańda iri qara maldyń 81,6 paıyzy, usaq maldyń 75 paıyzy jáne shoshqanyń 76 paıyzy vaktsınatsııalandy. Jumystar josparly túrde jalǵasyp keledi, — delingen aqparatta.
Sonymen qatar óńirde epızootııaǵa qarsy keshendi sharalar da qatar júzege asyrylýda. Jyl boıy mamandar jeti asa qaýipti ınfektsııaǵa qarsy jumystar júrgizip, shamamen 1,2 mln dıagnostıkalyq zertteý ótkizýdi josparlap otyr.
Mamandardyń aıtýynsha, mundaı aýqymdy jumys aýsyl aýrýynyń mal sharýashylyǵy úshin asa qaýipti bolýymen baılanysty. Aýrýdyń taralýy jekelegen sharýashylyqtarǵa ǵana emes, salanyń eksporttyq áleýetine de keri áserin tıgizýi múmkin.
Eske salsaq, osyǵan deıin asyl tuqymdy sıyr alýǵa 6 paıyzdyq nesıe berý bastalǵany habarlanǵan.
