Shyǵys Qazaqstanda aýyl sharýashylyǵy salasynda kadr kúrt tapshy
ÓSKEMEN. KAZINFORM – Shyǵys Qazaqstan oblysynda aýyl sharýashylyǵy salasynda kadr tapshylyǵyna baılanysty dıqandar stýdentterdi kóktemgi egis jumystaryna tartýǵa májbúr.
ShQO Kásipkerler palatasynyń málimetine súıensek, óńir boıynsha 9267 aýyl sharýashylyǵy birlestigi bar. Onyń árqaısysyna jumysqa 3-5 maman qajet.
- Kadr tapshylyǵy máselesi ásirese kóktemgi jáne kúzgi dala jumystary kezinde ózekti. Bul óńirdegi barlyq sharýagerdi tolǵandyryp otyr. Bilikti jumysshylar bolmasa egiske daıyndalý da, basqa jumystardy da tıimdi júrgizý múmkin emes. Sondyqtan kadr máselesin jedel sheshý qajet, - delingen aqparatta.
Oblystyq Aýyl sharýashylyǵy basqarmasynyń dereginshe, osy salaǵa 234 maman qajet. Onyń ishinde eń kóp mehanızatorlar jetispeıdi – 58 adam. Sondaı-aq agronomdar (30), zootehnıkter (26) jáne mal dárigerleri (29) tapshy. Bir ǵana Kúrshim aýdanynda 21 mehanızator, 16 shopan jetispeıdi.
- Qojalyǵymyzda únemi maman tapshy. Mehanızatorlardy aıtatyn bolsaq, bizde keminde 20 adam jumys isteýi kerek. Biraq qazir 8 adam ǵana júr. Agrarlyq kolledj stýdentterin ýaqytsha jumysqa aldyq, biraq ol áli de jetkiliksiz. Ótken jyly 4 stýdentti jumysqa ornalastyrdyq, - deıdi Samar aýdanyndaǵy sharýa qojalyqtarynyń biriniń ókili Ramıl ıAgýdın.
Al basqarmanyń resmı málimetinshe, Samarǵa tek 2 mehanızator jetispeıdi.
- Resmı statıstıka men shyn tapshylyq sáıkespeıdi. Bizdiń bir sharýashylyqta 10-nan astam adam jetispeı otyr. Basqalarda da týra osy másele. Bilikti mehanızatorlardy tappaǵandyqtan stýdentterdi oqytyp, ýaqytsha jumysqa alýymyzǵa týra keledi. Biraq olar tájirıbeli mamandardy almastyra almaıdy, - deıdi Ramıl ıAgýdın.
Eske salsaq, osyǵan deıin iri qara men usaq maldy eksporttaýǵa ýaqytsha tyıym salynǵany habarlanǵan.