Shyǵys Qazaqstanda «A» gepatıtine shaldyqqandar sany artty

ÓSKEMEN. KAZINFORM — Shyǵys Qazaqstan oblysynda osy jyly «A» vırýsty gepatıtine shaldyqqandar sany 16 paıyzǵa artty.

Jyl basynan beri óńirde «A» vırýsty gepatıtimen 45 adam aýyrǵan.

Ótken jyldyń sáıkes kezeńinde 38 adam osy aýrýǵa shaldyqqan.

Demek, bul kórsetkish 16 paıyzǵa artyp otyr. 

Bul týraly búgin ShQO aımaqtyq kommýnıkatsııalar qyzmetinde ótken baspasóz konferentsııasynda oblystyq sanıtarlyq-epıdemıologııalyq baqylaý departamenti basshysynyń orynbasary Sáýle Slıamǵazına aıtyp berdi.

«A» vırýsty gepatıti Shyǵys Qazaqstandaǵy 6 aýdan turǵyndarynan anyqtaldy. Barlyq syrqattanǵandardyń 78 paıyzy — eresekter. Biraq jasóspirimder men balalar arasynda da juqtyrý jaǵdaılary bar. Oblysta osy vırýsqa qarsy jappaı ımmýndaý júrgizilýde», — deıdi ol.

Azamattardyń kelesi sanattary vaktsınatsııalaýǵa jatady: eki jasqa deıingi balalar, «A» vırýsty gepatıti oshaqtarynda baılanysta bolǵan 14 jasqa deıingi balalar, sozylmaly «V» jáne «S» vırýsty gepatıtterimen aýyratyn 14 jasqa deıingi balalar. 

«Vaktsınatsııa — „A“ gepatıtiniń aldyn alýdyń mańyzdy jáne tıimdi ádisi. Al uzaq merzimdi tendentsııalardy qarastyratyn bolsaq, sońǵy 20 jylda aımaqta gepatıt aýrýy aıtarlyqtaı tómendep, 100 myń turǵynǵa shaqqanda 2,5 adamdy qurap otyr», — deıdi Sáýle Slıamǵazına.