Shyǵys Qazaqstanda 7 balasyna alıment tólemegen áıel sottaldy
ÓSKEMEN. KAZINFORM – Shyǵys Qazaqstan oblysynda balalaryna 10 mln teńge alıment tólemegen áıelge qatysty sot úkimi shyqty.
Osyǵan qatysty sot isi ShQO Kámeletke tolmaǵandardyń isteri jónindegi mamandandyrylǵan aýdanaralyq sotynda qaraldy. Birneshe jyl boıy 7 balasyna alıment alıment tólemeı kelgen aıyptalýshynyń bereshegi 10 mln teńgege jetken.
- Áıel QR Qylmystyq kodeksiniń 139-baby (Balaǵa alıment tóleý jónindegi mindetterdi oryndamaý) boıynsha kináli dep tanyldy. Sot sheshimimen ol bir jylǵa bas bostandyǵynan shekteldi, - dep habarlady sottyń baspasóz qyzmetinen.
Aıta keteıik, jyl basynan beri óńir polıtseıleri alıment tóleýden qasaqana jaltaryp júrgen 9 adamǵa qatysty qylmystyq isti sotqa joldady. Olardyń segizi boıynsha aıyptaý úkimi shyǵaryldy.
Eske salsaq, osyǵan deıin Rıdderde alıment tólemegen adam túrmege qamalǵany jaıly jazǵanbyz.