Shyǵys Qazaqstanda 6 adamdy kene shaqty
ÓSKEMEN. KAZINFORM – Shyǵys Qazaqstan oblysynda 6 adamdy kene shaqty.
ShQO Sanıtarlyq-epıdemıologııalyq baqylaý departamenti baspasóz qyzmetiniń málimetine súıensek, óńirde adamdy kene shaǵýdyń alǵashqy jaǵdaılary tirkeldi.
Sáýir aıynda epıdemııalyq maýsym bastalǵaly beri oblystyń endemııalyq aımaqtarynda 6 adam keneden zardap shekti. Onyń ishinde Óskemende - 5, Katonqaraǵaı aýdanynda - 1.
«Kene shaqqan adamdar aýrýhanada dárigerlerge qaralyp, túgeline profılaktıkalyq maqsatta ımmýnoglobýlın salyndy. Qazirgi tańda aıtaqtaǵy medıtsınalyq uıymdarda ımmýnoglobýlınniń mólsheri jetkilikti», - deıdi departament basshysy Qanat Turdıev.
Aıta keteıik, Shyǵys Qazaqstan oblysy respýblıkada kene entsefalıtin juqtyrý qaýpiniń «joǵary» aımaǵyna jatady. Óńirde aýrýshańdyq deńgeıi Qazaqstan boıynsha ortasha kórsetkishten 4,1 ese joǵary.
