Shyǵys Qazaqstanda 55 shaqyrym sýarý kanaly tazartyldy

ÓSKEMEN. KAZINFORM — Vegetatsııalyq kezeńge daıyndyq aıasynda Shyǵys Qazaqstan oblysynyń «Qazsýshar» fılıaly 55 shaqyrym sýarý kanalyn tazartty. Bul týraly Sý resýrstary jáne ırrıgatsııa mınıstrligi málimdedi.

Vedomstvonyń málimetinshe, Aqjar ýchaskesinde 8 shaqyrym, Zaısan ýchaskesinde 9,3 shaqyrym, Kúrshim ýchaskesinde 37,7 shaqyrym kanal tazartyldy. 

Aldaǵy ýaqytta taǵy 30 shaqyrym kanaldy tazartý josparlanyp otyr.

— Shyǵys Qazaqstan oblysynda bıyl vegetatsııa maýsymy 10 kúnge erte bastaldy. Qazirgi ýaqytta oblysta sýarý kezeńi belsendi fazasy júrip jatyr. Búgingi kúnge sharýalarmen sýarmaly sý berý jóninde 290 kelisimshart jasaldy, — dedi Shyǵys Qazaqstan oblysynyń «Qazsýshar» fılıalynyń dırektory Nurjan Ámirjanov.

Buǵan deıin habarlanǵandaı, sý resýrstarynyń ulttyq aqparattyq júıesiniń tórt modýli pılottyq rejımde iske qosyldy.