Shyǵys Qazaqstanda 50-den astam aýyldy sý basý qaýpi bar
ÓSKEMEN. KAZINFORM – Shyǵys Qazaqstan oblysynda sý tasqynyna daıyndyq jumystary júrgizilip jatyr.
Bul týraly búgin baspasóz konferentsııasynda oblystyq TJD tótenshe jaǵdaılardyń aldyn alý basqarmasynyń bastyǵy Arman Naýryzbaev málim etti.
- Shyǵys Qazaqstandaǵy 71 eldi mekende sý tasqyny qaýpi bar ekeni anyqtaldy. Jol kartalary, ınjenerlik jumystar jáne basqa da baǵdarlamalar aıasynda júrgizilgen sý tasqynyna qarsy is-sharalardan soń 16 eldi mekende qaýip tolyqtaı joıyldy. Búginde 50 aýylda táýekel barynsha tómendetildi, al 5 eldi mekende qaýip saqtalyp otyr, - dedi ol.
Sý tasqyny jaǵdaıy kúrdelene tússe, 3146 adam, 556 tehnıka, 75 júzý quraly jáne 234 motopompa ázirlengen. Adamdar men quraldardy jedel jetkizý jáne zardap shekken halyqty shuǵyl evakýatsııalaý úshin QR TJM «Qazavıaqutqarý» AQ-nyń tikushaǵy daıyn tur.
- Tótenshe jaǵdaı týyndaǵan kezde halyqty ornalastyrý úshin jalpy syıymdylyǵy 21 myńnan astam adam bolatyn 182 pýnkt daıyndaldy. Halyqty qajet kezde qulaqtandyrý 48 sırenalyq qurylǵy, SMS-habarlama taratý, teleradıo habarlaryn úzý arqyly jáne «Darmen» mobıldi qosymshasy arqyly júrgiziledi, - dedi Arman Naýryzbaev.
Eske salsaq, osyǵan deıin muz astyna túsip ketken adamdy qutqarǵan azamat marapattalǵany jaıly habarlaǵan bolatynbyz.