Shyǵys Qazaqstanda 4 jol jabyldy

ShQO tótenshe jaǵdaılar departamenti baspasóz qyzmetiniń málimetine súıensek, qazirgi ýaqytta oblysta qalyń qar jaýyp, qatty jel soǵyp, jol durys kórinbeı tur.

- Osyǵan baılanysty oblystyq mańyzy bar «Tavrııa-Kamenka-Troınıtskoe» tasjolynyń 33-43 shaqyrymy (Kamenka men Troınıtskoe aýyldarynyń arasy), «Almaty-Óskemen» tasjolynan Borsaq ýchaskesine burylar tustyń 0-13 shaqyrymy, «Ulan-Bozanbaı» tasjolynyń 5-32 shaqyrymy kóliktiń barlyq túri úshin jabyq. Sondaı-aq respýblıkalyq mańyzy bar «Almaty-Óskemen-Shemonaıha-Reseı Federatsııasynyń shekarasy» tasjolynyń 1013-1048 shaqyrymynda (Abaı oblysy men Ulan aýdanynyń arasy) kólik qozǵalysyna tyıym salynǵan, - delingen aqparatta.

Osy rette, qutqarýshylar óńir jurtshylyǵyna alys saparǵa shyǵar aldynda joldardyń jaı-kúıin «Dármen» mobıldik qosymshasy arqyly tekserip otyrýǵa keńes berdi.

Eske salsaq, osyǵan deıin Shyǵys Qazaqstan oblysynyń qutqarýshylary qys kezinde taýǵa shyqqanda qandaı qaýipsizdik erejelerin saqtaý kerektigin eske salǵany habarlanǵan.