Shyǵys Qazaqstanda 4 myńnan astam oqýshy mektep bitiredi

ÓSKEMEN. KAZINFORM – Shyǵys Qazaqstan oblysynda oqý jylyn 98 myńnan astam oqýshy aıaqtaıdy. Onyń ishindegi 4430-y - mektep túlegi.

Óńirde 343 memlekettik mektep bar. Onda bilim alyp jatqan 4430 oqýshy bıyl 11-synypty, al 9104 oqýshy 9-shy synypty aıaqtaıyn dep otyr. Bul týraly ShQO Bilim basqarmasynyń basshysy Inessa Chernysheva málim etti.

- Toǵyzynshy synyptyń myńǵa jýyq oqýshysy erekshe úlgidegi attestat alýǵa úmitker, al 3 724 oqýshy kolledjge túsýge sheshim qabyldaǵan. Joǵary synyptar arasyndaǵy 368 túlek «Altyn belgige», 403 oqýshy úzdik attestatqa úmitker. 3 342 túlek joǵary oqý oryndaryna, al 316 túlek kolledjge túspek, - deıdi ol.

Oblysta UBT-ǵa qatysý belsendi túrde júrip jatyr. Mektep bitirýshilerdiń 84%-y testileýge qatysýdy uıǵarǵan. Olardyń 90%-y synaq testileýinen ótip úlgerdi.

- Emtıhandar kestesi: 9 (10) synyptar úshin 29 mamyrdan 10 maýsymǵa deıin, 11 (12) synyptar úshin - 30 mamyrdan 16 maýsymǵa deıin. Bastaýysh synyp oqýshylary da demalmaıdy, mamyr aıynyń sońynda qazaq tili men ádebıetinen qorytyndy attestatsııa tapsyrady, - deıdi Inessa Chernysheva.

Birinshi synypqa qabyldaýǵa tirkeý bastalyp, tamyzdyń sońyna deıin jalǵasady. Qazirgi tańda 9 729 bolashaq oqýshynyń 6 166-synan ótinish túsken.

Eske salsaq, osyǵan deıin Abaı oblysynda bıyl 5500-ge jýyq oqýshy mektep bitiretindigi jaıly jazǵanbyz.