Shyǵys Qazaqstanda 3 adam mopedin tirkeýge qoıdy

ÓSKEMEN. KAZINFORM – Shyǵys Qazaqstan oblysynda 3 adam jańa zańnama talaptaryna sáıkes mopedterin tirkeýge qoıdy.

Oblysta alǵashqy mopedter tirkeýden ótti. Aýdandardyń birinde turatyn azamat apta basynda mopedin resimdese, taǵy ekeýin Óskemen turǵyndary esepke qoıǵan. Barlyq moped ıelerine tirkeý kýáligi men memlekettik nómirler berildi. Bul týraly ShQO PD ákimshilik polıtsııa basqarmasy bastyǵynyń orynbasary Igor Klıshın málim etti.

- Osy jyldyń 5 sáýirinen bastap mopedter mehanıkalyq kólik quraldaryna teńestiriletin boldy. Endi osy kólik túrin paıdalaný úshin kelesi sharttardy oryndaý qajet: polıtsııada memlekettik tirkeýden ótý, A, A1 nemese B sanatyndaǵy júrgizýshi kýáligin alý, tehnıkalyq baıqaýdan ótý jáne azamattyq-quqyqtyq jaýapkershilik saqtandyrý polısine ıe bolý, - dedi ol.

Mopedterdi tirkeý Óskemen qalasynyń mamandandyrylǵan halyqqa qyzmet kórsetý ortalyǵynda júrgizilýde. Kólik quralyn tirkeý úshin jeke kýálik, tehnıkalyq pasport nemese kólik quralynyń sıpattamalary kórsetilgen qujattar bolýy tıis. Odan soń ótinish toltyryp, mopedti tekserýden ótkizip, memlekettik baj salyǵyn tóleý qajet.

Jańa zańnamalyq ózgerister kúshine engennen keıin, tirkelmegen mopedti basqarý jáne júrgizýshi kýáligisiz júrý qatań tyıym salynady.

Eske salsaq, osyǵan deıin Almatyda tirkelgen mopedter sany 100-den asqany habarlanǵan.