Shyǵys Qazaqstanda 26 aýyl halqy ishimdikten bas tartty
ÓSKEMEN. KAZINFORM – Shyǵys Qazaqstan oblysynda ishimdikten bas tartqan aýyldar sany 26-ǵa jetti.
Óńirde quqyq buzýshylyqtyń aldyn alýǵa jáne salaýatty ómir saltyn qalyptastyrýǵa baǵyttalǵan «Іshimdiksiz aýyl» bastamasy jalǵasyp jatyr.
Bul bastamaǵa Tarbaǵataı aýdanyndaǵy Mańyraq aýyldyq okrýgine qarasty Bozsha aýylynyń turǵyndary da qosyldy. Osylaısha, oblys boıynsha alkogoldi ónimderdi satýdan tolyqtaı bas tartqan eldi meken sany 26-ǵa jetti.
– Jergilikti jastar aýyl aqsaqaldaryna osyndaı usynys tastady. Bul sheshimdi aýyl turǵyndary biraýyzdan qoldaǵan, - dep habarlady ShQO Polıtsııa departamentiniń baspasóz qyzmetinen.
Qazir Bozsha aýylynda 60-qa jýyq úıde 154 adam turady.
Mamandardyń aıtýynsha, ishimdik satýǵa shekteý qoıylǵan eldi mekenderde quqyq buzýshylyq deńgeıi, sonyń ishinde mas kúıinde jasalatyn qylmystar azaıǵan. Sondaı-aq otbasylyq-turmystyq janjaldar men usaq buzaqylyq faktileriniń de tómendegeni baıqalyp otyr.
Eske salsaq, osyǵan deıin Qyzylorda oblysynda ishimdiksiz aýyldar sany 37-ge jetkeni habarlanǵan.
