Shyǵys Qazaqstanda 20-dan astam aýyl jabylýy múmkin

ÓSKEMEN. KAZINFORM – Shyǵys Qazaqstan oblysynda halyq sany 50 adamnan aspaıtyn 25 aýyl bar.

ShQO ekonomıka jáne bıýdjettik josparlaý basqarmasynyń málimetine súıensek, halyq sanynyń kúrt azaıýy, ınfraqurylymnyń bolmaýy jáne turǵyn úılerdiń tozýy saldarynan 20-dan astam aýyl jabylýdyń aldynda tur. 

- Búginde oblys boıynsha halyq sany 50 adamnan aspaıtyn 25 aýyl bar. Keıbir eldi mekenderde on adamnan az ǵana turǵyn qalǵan. Alaıda aýyldardy taratý - turǵyndardy májbúrlep kóshirý degendi bildirmeıdi. Mundaı aýyldar «ózge eldi meken» sanatyna aýystyrylyp, iri aýyldarǵa qosylady. Áleýmettik qyzmet kórsetý jalǵasady, al halyqtyń túrli uıymdarǵa tirkelýi men bekitilýi avtomatty túrde júzege asyrylady, - deıdi basqarma basshysynyń orynbasary Gúlshat Qorǵanbekova

Aıta keteıik, sońǵy on jylda aımaq boıynsha 36 aýyl taratylǵan. 

Eske salsaq, osyǵan deıin aýyl turǵyndarynyń Bıblıobýs jyljymaly kitaphana arqyly kitap oqý múmkindigin alatyndyǵy jaıly jazǵanbyz.